مهنيا بتتحمل مسؤوليات جديدة وبتلاقي بعض الحلول، والتأثيرات الفلكية الايجابية للقمر في العذراء كمان بتبشرك بمفاجأة مهنية رائعة، وبتساعدك على أتخاذ القرارات المصيرية، الي فيها انت بتفرض شروطك وتوجهاتك. إستفيد من الفرص الاستثنائية لانها فترة مثمرة ومفيدة جداً، لكن راح تواجهك عراقيل بمشاريعك بالايام 10 و 11 بسبب القمر من الميزان، لهيك إبتعد عن الانفعال والتوتر، وكون حذر لاجل ما تقع بالفخ، ولانه لا بد من حماية مصالحك ووظيفتك من الخطر، طبعا مع وصول القمر للعقرب راح يحملك انفراج ونجاحات وتحقيق للأمنيات وللأفكار الجديدة. عاطفيا بتفرح بالقرب من الحبيب وبتكون الظروف مناسبة للتحرك الجريء، فما تخجل من التعبير عن رأيك وعواطفك. بتناسبك مواقع الكواكب بوجود الزهرة فى الثور ، الشي الي بخليك تعيش اجواء ارتياح، فيها بتلاقي نفسك مشدود نحو الطرف الاخر وبتعمل المستحيل لتنال رضى الحبيب، وبتكون الحيوية واللقاءات الجيدة في أوجها.
