مهنيا بتعيش اسبوع حلو، بيفتحلك ابواب الحظ والنجاح وبشجعك القمر من العذراء عاستقبال فترة جديدة ومميزة من حياتك فيها بتكون المعنويات مرتفعة وجدا كمان. بترتاح عالصعيد المهني وبتكون النتائج ضخمة وبتفخر بنفسك وهالشي بخليك اكثر راحة وانشراح من الاسبوع الفائت. راح تطمئن وتعمل عتقريب وجهات النظر، وراح تلمس دعم مباشر، فكون جاهز لحسم الامور من دون تردد. هالفترة بتقدر تقوم بعدة انجازات مهمة ولافتة وبتميل للتحرك الواسع، وبتحقق ازدهار عصعيد العلاقات العامة وبتستقطب المؤيدين، وبتطور وضعك الشخصي. عاطفيا بتحملَّك هالفترة اجواء مستقرة وبتخليك مرتاح عاطفيا مع وجود الزهرة في الثور الي بزيدك جاذبية، وبعلن عن فترة مميزة فبتصير الظروف ملائمة لاستعادة ثقة الحبيب ومودته، والاهتمام برغباته والوقوف عراحته فبعتقد بكفي معاناة وضيقة ومتاعب، واجا الوقت لتعود المياه لمجاريها الطبيعية، وتوخذ المبادرة وتطرح فكرة جريئة
