مهنيا بتكون بداية الاسبوع ضاغطة بسبب القمر من برج الثور فالاجواء بتكون دقيقة وقاسية، من يوم الاثنين مع وجود المثلث الفلكي المائي بتتحسن الامور وبتحملك الحلول والتفاؤل والحيوية، فبتودّع مشاكلك وبتستفيد من رأي أو نصيحة بتقدمولك. بتهدأ الأحوال شوي بعد فترة الصخب وبتعيد النظر بكلشي صار، وبتتعمق بالأسباب والنتائج . بتختار طريق جديدة وبتهتم بعلاقاتك ببعض المراجع ، كمان بتركّز عالشؤون المالية وبتدرس ملفات عديدة، مثل قضية دين أو إرث أو سُلفة أو علاقة شراكة خلالها ببرز العنصر المالي كمسألة ملحّة. عاطفيا بجلبل كوكب الحب السعادة والمفاجآت السارّة، فتزهو بنفسك وبتكون النجم بأي محل، وبتنصبّ النظرات عليك وتقع القلوب أسيرة الك. كثار من مواليد الحمل بعيشوا أجواء حلوة ورقيقة، بتترك بقلوبهم الأثر الكبير، كمان بيحملهن كوكب الحب وعود ولقاءات غير منتظرة وتجاوب من الجميع وحظ في المجال الشخصي.
