بتطل على اسبوع هادئ بيحمل الوعود.. وتاثيرات القمر من برجك بتعطيك الحرية في الاختيار .. بحالفك الحظ وبيضمنلك الامان فبتتلقى مساعدة ثمينة، كمان بامكانك تقلب المعطيات الفلكية وتستغل الطاقات والفرص لصالحك. بيّن حقيقتك وجاهر بأرائك وافكارك، انت شخص نشيط وبتتمتع بجهوزية تامة لمواجهة أي تحدّ دراسي أو مهني أو اجتماعي بنجاح. تبدأ بالحصاد من الايام الاولى للشهر فما تضيّع الوقت ورا المغامرات، وركّز قدراتك لأنك فعلاً بتستطيع لفت الانظار والانتصار على المنافسة. عاطفيا بهالاسبوع منحكي عن ارتباطات جدية وعزم على اتخاذ قرارات حاسمة، بالذات انه ما في رادع لعواطفك، وكمان المعنويات مرتفعة جداً وفيك تكرس طاقتك لتتقرب من الحبيب. الجو دافي وبيسمح بتبادل العواطف الحارة والجيّاشة. بتكون اللقاءات رومانسية، بيعمها الانسجام التام، واعتبر هالاسبوع مناسب تماماً لتصحيح الاخطاء والاعتذار وإعادة النظر بكيفية التعامل مع الحبيب.
