مهنيا بتتوضح الامور بعد ضغوط الاسابيع الماضية وبترتاح وبتسيطرة عأوضاعك وبتستعيد قدرتك على إدارة شؤونك بسلام. هالأسبوع راح تتلقى عرض مغري، لهيك ما تتأخر في التفاوض وتقديم المشاريع، لانه هالاسبوع بلائمك وبفتح الأبواب قدامك، فما تخاف تطالب بحقوقك، لانه من الممكن تلاقي الآذان المصغية. كمان راح تلاقي وسيلة لتحسين أوضاعك ، بس هالشي حيأثّر عصحّتك ويتسببلك بتعب وإرهاق، الشي الي بيضطرّك للاستراحة وتعليق الأعمال. عاطفيا معاكسة كوكب الزهرة بتولدلك بعض التجاذبات وبتفقدك الثقة بالنفس، وبتخليك تواجه بعض المخاوف بالنسبة للحبيب. فإنت تارة بتكون مفعم بالنشاط والتفاؤل، وتارة أخرى بتعيش ضجر وقلق. بتميل للازدواجية، وبتراءى لإلك، أنه لازم تقطع علاقة عاطفية بسبب الغياب وعدم التواصل الدائم. بتعيش نزاع داخلي بحطك بحالة تمزّق بين عواطف عميقة وواقع لا مستقرّ.
