مهنيا: بتشعر في بداية هالاسبوع بقيد إلي بيوقف أمامك وبمنعك من الانفتاح على اوساط جديدة او على مشاريع تشغل بالك، لهيك ما تصدق كل ما شي بتسمعه، خاصة اذا كانت الاخبار غريبة وغير مقنعة، اتكل على حكمك العقلاني للأمور وقوي الثقة بالنفس، وراقب كلامك لإنه بمثابة سيف قاطع، وممكن يكون سبب مشاكل صعبة. كمان عزيزي العقرب ممكن تواجه اتهام أو تتوجلك اتهامات خطيرة، فكون حذر وما تواجه هالمواقف وإنت وحيد. تواجد المشتري ببرج الجدي شي بخليك المستفيد الاكبر من كمية الحظوظ إلي بتحملك انجازات كثيرة ونجاحات أكثر لحتى تبلغ هدف انت سعيت طويلًا لإله. عاطفيا: وجود الزهرة في الجدي بواكبك بمناخ عاطفي ممتاز، شرط إنه تتحكم في العواطف والانفعالات القوية. مننصحك تتواصل مع الحبيب وتحل كل الأمور العالقة بيناتكو، إحكي معه بوضوح وصارحه بكل افكارك ومشاعرك، واسمعله باهتمام ومحبّة، وتفهم ظروفه واوضاعه وادعم مواقفه ومشاعره.
