مهنيا بداية اسبوع جيدة مع تواجد القمر في برجك، لكن بتعاكسك التأثيرات الفلكية بعد انتقال القمر لبرج الثور لهيك بطلب منك التروي والتحفظ. كمان بتكون عندك شكوك ما بتقدر تفهم حقيقتها ودوافعها، لهيك ما تعطيِ ثقة عمياء !! وتحسّب لاي مكروه. هالفترة بحاول البعض خداعك او بتصرفوا بطريقة أنانية. كمان هالفترة بتحتاج لمهنية عالية وللحسّ بالمسؤولية، وبتضطر تستعين بحدا لتنجز مَهمة ما في الوقت المحدد. بتكثر الضغوط واحتمال تندم عتصرف متسرع وتكون عواقبه صعبة. عطلة الاسبوع مميزة مع القمر في برج القوس، وممكن يطرأ تطور مهم وايجابي غير متوقع فبتتطور الامور لمصلحتك. عاطفيا بتشعر بالملل وبتعيد النظر بعلاقة ما بهالاسبوع الدقيق والي فيو مواجهة من كوكب الحب من القوس، فبتكون شخص متطلب وثائر معظم الوقت بسبب موجات الغيرة او الهواجس التي بتقلق مضجعك، هالتوترات عابرة لكنها بتأثر على استقرار وضعك العاطفي اذا ما بنحطلها حد فوري.
