مهنيا: بتتحمس لتنطلق بتنفيذ مشروع في بداية هالاسبوع، وممكن تتلقى خبر مفرح بقدمه القمر من برج الدلو، وبعدها بتكون عطلة الاسبوع نارية بامتياز مع وجود القمر في الحمل، فبتتضح لالك الامور وبتتجرأ انه تفتح صفحة جديدة. بتتشجع وما بتتردد بهالايام الايجابية لانه الحظ بكون لجانبك وبعزز قدراتك وحماستك، وبتيحلك الفرصة لتدافع عن حقك ولتطرح افكارك فبتكون نشيط ولا سيّما باعمالك الروتينية. لكن ما تتشجع للمشاريع الجديدة بين 3 و 5 لانه القمر في برج الحوت راح يأثر عليك، لهيك خصص هالفترة لتصلح الاخطاء والاهم أنه تحافظ على سمعتك الجيّدة. عاطفيا: بتعرف انعطاف مهّم بحياتك، بينعشك بالسعادة والاستقرار. ممكن تلتقي بشخص جذاّب أو يرجعلك الحبيب بعد غياب. بالنسبة للمتزوجين بكون تحسّن بالعلاقة، وبخيم جوّ من الألفة والمحبة، ويمكن أجا الوقت لتدعم المشاعر الايجابية وتناقش موضوع بهمك، وتتخذ قرار بتطوير العلاقة الحالية.
