مهنيا بتعيش بداية اسبوع بنّاءة ومفيدة وميسرة، بتستفيد بقوة من الجو العام، وبتلاحظ تقدم ملموس فبتحصد الدعم والنجاح الكبير. بتشتد عزيمتك وبترتفع معنوياتك وبتستعيد سيطرتك وبالذات إنه الشمس موجوده بالقوس فهالشي بخليك تحتل مركز كتير جيد. بالرغم من الاجواء الجيدة إلا انك بتمر بشوية متاعب لانه القمر بينتقل لبرج الحوت الشي الي بيخليك تقوم باخطاء كبيرة بالعمل لانك بتفقد قدرتك على التركيز، وبنهاية الأسبوع بتعود الظروف الفلكية لتدعمك من جديد مع انتقال القمر لبرجك، فبتتميز بمهنيتك وقدرتك على استيعاب الاحداث والعمل السريع لاحتواء المشاكل. عاطفيا ما بناسبك تواجد الزهرة في الجدي، بهيك بتكتر المشاحنات وبتظهر الاختلافات في الآراء، وكمان العلاقة الجديدة ما بتسلم من التوترات وممكن تسيطر الهواجس والتشنجات وتسبب نفور وجفا. أما العلاقة المتينة فبتعيش بعض اللحظات الصعبة لكن ما بتتأثر وانت بتعالج الأمر بواقعية وحكمة.
