مهنيا: بتحيطك الحظوظ ببداية الأسبوع، والجو بكون ملائم لتنهي الاعمال الضرورية بالذات إنه القمر في برجك. مننصحك تعقد الاجتماعات المهمة لإنه التاثيرات الفلكية بتساعدك تكسب التأييد والامتيازات، وراح تحس بالقوة إلي بولّدها العمل الجماعي، وتتمكن تدافع عن قضية وتكسبها بسهولة. وسط الأسبوع فترة معاكسة، وممكن إنه أعمالك تبصر النور، لهيك ما تجازف لإنه الأجواء الفلكية غير مناسبة أبداً لتتخذ خطوات حاسمة وجريئة، تشّجع بس لتنهي كل أعمالك وتراجع الحسابات والملفات، فكر حلل وادرس المعطيات، وما تباشر بأي خطة أو عمل. عاطفيا: باختصار إنت بفترة دقيقة، خلالها بتبحث عن اتزانك وبتنتظر تغيير بحياتك العاطفية. ممكن تقلق بشأن حد من أفراد عيلتك أو تثور ضد واقع معين. لازم تنتظر وما تراهن على الحظ لإنه ممكن تخيب الآمال أو تقع ببعض إشكالات إلي بتهز معنوياتك. ما تكبت مشاعرك وحاول تتكلم وتبوح بأفكارك بطريقة هادئة.
