مهنيا صديقي الجوزاء توقع أعمال ومهام جديدة، وما تتفاجأ إذا سببتلك هاي المهام التوتر والغضب، لهيك خطط منيح لكل شي راح تقوم فيو وخصص وقت كافي لكل مهمة. عليك إنه تنتبه لمصاريفك وبالذات لإنه القمر في الثور فأي خسارة راح تسبب بزيادة الأمور تعقيد، كمان ممكن يصير بعض التأجيل أو فشل بالمحاولات الي بتحرك النشاطات والمشاريع. بيرجع الحظ ليبتسملك بسبب القمر في الثور إلي بيمنحك القوة بكافة المستويات لهيك استغل التأثيرات الايجابية في حياتك المهنية. عاطفيا: ما تدور عن المشاكل هالأسبوع لإنه الظروف ما راح تدعمك، هي مشحونة بالتوتر وطباعك مش هادية زي العادة. ممكن تتسرع بالكلام أو الانفعال الي بينفهم غلط وبأدي لأزمة وتعقيد إنت بالغنى عنه. راح تعاني من تراجع قوي بالعلاقة إذا كانت متقلبة، لهيك أعطِ الحبيب خصوصية أكثر وما تتدخل بشؤونه العملية وما تفرض قراراتك، وإذا ما كنت مرتبط فالأجواء بتوعدك بالانفراج.
