مهنيا هالأسبوع راح تحس قديه سهل عليك تحقق نتائج جيدة، راح تكون محرَر من أي قيد وتتخطى كل العوائق وتجرب أمور مختلفة. بتقدر تقول إنه معظم الظروف حتكون مثمرة بسبب وجود القمر في برجك ووجود بقية الأبراج مجتمعة ببرج العقرب، هالأمر راح يخلصك من الصدامات المهنية ويدعمك لتبادر بدون خوف أو تردد، لهيك كون عاستعداد لتقتحم كل الحواجز وتسعى نحو أهدافك ومغامراتك الجديدة، لكن لازم تنتبه في التواريخ 13 و 14 و 15 لما القمر بكون بالجوزاء لإنه ساعتها راح تكون أمامك كتير متطلَبات بمختلف المستويات وراح تفهم إنه النجاح أبدا ما بيجي على طبق من ذهب. عاطفيا أسبوع ايجابي ومناسب لحتى تطوي صفحات قديمة إلي أدت لارتباك في العلاقة. راح تزيد رومانسيتك ولطافتك وراح تكون كمان جاذبيتك وسحرك أقوى، الاشي إلي راح يساعدك عتصحيح أي خطأ ممكن يبدر منك. وأخيرا ممكن تكون أمامك فرصة لتعارف أو ارتباط جدي.
