مدونة جديدة حول "جيل اليوم" يقدمها علاء خطيب، ويقول فيها:" ولاو يا زلمة، شو هالجيل هاد، لا بصد ولا برد، ولا حدا بعبي عينه، لا بحترم كبير ولا صغير، وبده يعمل الليبده اياه، اقسم بالله الوضع صعب، الله يساعد الأهالي! لحظة ! الله يساعد الاهالي؟!". ويقول:" خلينا شوي نفكر بالموضوع، جيل اليوم هو بذرة زرعها جيل قبله ضل يسقيها لحتى كبرت واليوم الجيل الاول عم بحصد اللي زرعه، يعني اللوم مش بس ع الجيل الطالع، اللوم على اللي ربى وكبر هذا الجيل. الولد بخلق فاضي، والاهل بعبوا باللي بدهن اياه، لانه صراحة فش ولد بخلق عاطل". ويضيف:" كلهن بخلقوا نفس الشي، والاختلاف الرئيسي هو بطريقة التربية والرعاية اللي بتلقاها هذا الولد، عشان هيك المسؤولية كلياتها علينا، لازم نعرف منيح قبل ما نخلف انه الاشي مش لعبة".
