مهنيا ما تراهن على عطلة الاسبوع، لانه ممكن تتورط بشي ما بيعنيك وتشعر بالاحراج بسبب القمر من برج الثور ، لكن ابتداء من يوم الاثنين و مع انتقال القمر لبرجك بتتحرر من بعض القيود، كمان بتبشّرك مجموعة من الظروف الفلكية بالخير والازدهار . اسبوع ممتاز، تحلّى بالحيوية واستثمرها للوقت ولحظوظ. بتعبّر عن نفسك بأسلوب فائق، وبتشرق ببريق جذاب وبتلفت الانظار لخصالك الإيجابية، فبتفتتحلك ابواب الدعم، لكن عليك تطرق الباب لحتى ينفتحلك.. عاطفيا بتطرح هالاسبوع تساؤلات كثيرة حول حياتك العاطفية وبتواكب قصص شخصية بتخص بعض المقربين، فكون مسهِّل للأمور بدل تأزيمها. كمان عليك تستدرك المواقف الحرجة وتسرع لمعالجتها وتلطف الأجواء وما تثير الفتن والخلافات. بتستفزك بعض مواقف وبتدفعك للخلاف.. ولهيك بزيد عنادك وبترفض تتخلّى عن رأي معيّن فبتصطدم الآراء وبتعلا نبرة الصوت وبتزيد حدة النقاش.
