تفضلوا قاطعوا الجامعات والسهرات الاردنية والطلعات والجايات لطابا شرم ذهب والعقبة لأنه قمة التطبيع
بكفوا تعملوا حالكم وطنيين فقط وقت ما بتوخدوا جواز "سفر فلسطيني" وانتم حاملين باسبورت اسرائيلي وبتدخلوا لبنان وبتشاركوه ببرامج فنية عينك عينك! هذا اسمه تطبيع كمان! بلاش تكذبوا لما بسألوكم وين ساكنين! بلاش تستغلوا فلسطين عشان تنجحوا "تجارياً"
بكفي تتزلجوا بجبل الشيخ المحتل وتعبوا خزينة دولة الإحتلال ..
بلاش ننزل ع جنين ورام لله والروابي
لانه هذا تطبيع واعتراف بالاحتلال
الفقاعة الحيفاوية استضافت بحفلاتها وامسياتها الثقافية الغير شعبية الفوقية فرق وفنانين وصحفيين من سوريا من العراق! من ايران!
ما حدا مسك شلهم!
افلام انعرضت بتل ابيب بالسينماتيك بحضور مخرجين من العالم العربي ما حدا شرشحهم واذاهم زي ما اسأتم لي ولتامر نفار ولعزيز مرقة واخرين
انا وكل الفلسطينين في "الداخل
مدخولاتنا منصرفها في بنوك اسرائلية ان كنتم مش عارفين تطورنا وما عدنا نشتغل "مقايضة""!
عنا حسابات بمركنتيل،( بعرفش معناها بالعربي)
بوعليم ( يعني عمال بالعبري) ومزراحي! ( يعني شرقي بالعبري)ولما منحتاج دوا منروح ع صندوق المرضى الاسرائيلي ومنتعالج، ولما حنجرتنا بتتعب منوخد عسل وحامض من شجرات حوش البيت.
اسا عنجد استحوا ع حالكم! بكفي تزوروا حقائق
بكفي تستغلوا الميديا والتطور التكنولوجي للتزوير، للهجوم وللتنمُر ،بكفي تستغلوا مواقعكم وتراضوا اسيادكم نعم اسيادكم! مش معقول كمية الكراهية والعنف الي بتتعاملوا فيها مع قرار فنان معين قديش بتحملوه على اكتافه كل مآسي الشرق من سايكس بيكو لليوم!
بكفي تعلمونا كيف نعيش وكيف نتصرف! بكفي وصاية علينا! بكفي انتهازيتكم واستغلالكم لدماء الشهداء وتضحيات الشعب الفلسطيني المشحر ! بكفي تحكوا بأسمه!
شفتكم داعمين لفنانات وفنانين ربيوا ونشطوا مع احزاب صهيونية! احتضنتوهم واعملتوهم واجهة الثقافه والفن الفلسطيني! اهملتم الفنانين الي دفعوا تمن نضالهم ومواقفهم الوطنية الواضحة والي ما تزحزحوا عن مبادئهم وحكوا مع العربي واليهودي والاجنبي بنفس الكلام والمعاني! فنانين ولا مرة كانوا مع الحيط الواقف! ما قدرتم فنانين قاطعوا دول الخليج الي اهانت المراة واهانت الانسان وكرامته وباعت فلسطين بكل فرصة وتطبيع مع اسرائيل ولا زالت!
بكفي! قرفتونا! مش هيك بتتحرر فلسطين!
ما حدا علَم ابوي وامي وستي من قبلهم كيف يكونوا" وطنيين داخل وطنهم ولا احتجناكم تشرحوا لنا معنى الصمود بالوطن لاننا صمدنا اكتر منكم! ولاننا فلسطين الحقيقية اه الحقيقية الي بعدها بتناضل وبتقاوم وبتكتب وبتغني واعراسها وافراحها واتراحها وزوادة اولادها ما تغيرت من مية عام زيت وزعتر وزتون ! ولا احتجنا مشورتكم ليكتب ويبدع توفيق زياد إميل حبيبي ومحمود درويش وسميح القاسم
وليرسم عبد عابدي وليخرج رياض مصاروة
والاف المبدعين.
بدكم نقاطع نفسنا؟ نقاطع حالنا!؟
انا شخصياً لا احد يقرر لي اين كيف ومتى ولمن وعلى ماذا أغني!